+41 31 920 10 42 Verein Bern NEU gründen, Postfach, 3000 Bern

Wosch d Zuekunft vo dire Gmeind de Aute überla?

Du hesch itz d Chance mitzrede, wo du in Zuekunft wirsch läbe und wohäre sich d Region Bärn entwicklet.

Wosch no lang uf di Online-Schalter warte?

Mir si üs einig, oder? E grossi Gmeind het meh Mittel u Möglechkeite, d Digitalisierig azpacke. Mir wei doch nümm uf d Gmeind für ne Uskunft oder ne Wohnsitzbestätigung für ds GA. Das muess eifach u schnäu übers Handy loufe.

#iwottBärnersi

Am 7. bzw. am 14. März stimme Chäsitz u Frouechappele über „die Aufnahme von Fusionsverhandlungen mit der Stadt Bern“ ab. Das tönt itz wider so technisch-politisch, aber ma cha’s o so säge: Es geit um d Zuekunft vo diri Gmeind u das betrifft o di!

Mir vom Verein „Bärn NEU gründe“ setze üs sit meh aus zäh Jahr derfür i, dass d Gmeinde ir Region Bärn sich zämeschliesse. Das het gueti Gründ:

Du läbsch doch im Dorf u i dr Stadt, d BT isch doch o di Dorfplatz

Scho lang si d Stadt und d Gmeinde drum ume e einzigi Region, wo mir schaffe, wohne, Fründe träffe, ichoufe, trainiere, a Konzärt u i Usgang gö, Mätsche vo YB u vom SCB bsueche. Mir fahre vo eire Gmeind i di anderi, mängisch ohni dass mir das merke. D Gränze si zuefällig, historisch u nume no politisch. Aber sie hemme d Entwicklig vor ganze Region.

Wie wär’s, ire grüene Stadt z läbe?

Ou was dr Klimaschutz betrifft het es Bärn meh Möglechkeite u Kompetenze. Statt das jedi chlini Gmeind für sich chli öppis macht, cha me aus grossi Stadt dere grosse Useforderig umfassend u koordiniert begegne.

Merci u bis gli im nöie Bärn!

U säg’s doch no dine Kolleginne u Kollege.

Übrigens, i dr Abstimming in Chäsitz u Frouechappele geits afe drum, im Spiu z blibe:

Bim e ne Ja wärde Fusionsverhandlige ufgno u im Jahr 2023 wird ändgüutig abgstumme. Bim e ne Nei si mir duss - Spiu verbi!

#iwottBärneresi

Clips abelade

Du wosch doch wähle, wär z Bärn Stapi wird, u mitbeschtimme, was z Bärn louft?

So wie s hüt isch, läbsch du zwar im Dorf u verbringsch dini Zit ir Stadt. Das isch di Lebensrum. Aber mitrede, was in Bärn (u de andere Agglogmeinde) passiert, das darfsch nid. Da isch me z Ostermundige witer. Da finde itz de Fusionverhandlige mit Bärn statt.

Gib dire Generation ä Stimm!

Übrigens: Abstimme isch no nie so eifach gsi: Stimmzettu usfüue, unterschribe, Cuvert zue u ab i Briefchaschte!

 +41 31 920 10 42  Verein Bern NEU gründen, Postfach, 3000 Bern

Wir verwenden Cookies um unsere Website zu optimieren und Ihnen das bestmögliche Online-Erlebnis zu bieten. Mit dem Klick auf „Alle erlauben“ erklären Sie sich damit einverstanden. Weiterführende Informationen und die Möglichkeit, einzelne Cookies zuzulassen oder sie zu deaktivieren, erhalten Sie in unserer Datenschutzerklärung.